【On.cc】馮素波4年前疑患腸癌曾諱疾忌醫　孖黃德斌簡慕華精靈慶生

演員馮素波獲邀出席健康分享會，大談保健心得，佢自爆曾是諱疾忌醫一族，直到身體響警號，才明白要為健康作超前部署，並籲大眾及早檢查身體：「自己要保護好自己，有健康先做得好！」

馮素波4年前疑患腸癌。

年屆81歲的馮素波曾有諱疾忌醫的過去，她表示：「在我50幾歲時，身邊朋友成日話要驗身，佢哋30、40歲就去驗，我就唔去，總覺得『一間舊樓去檢查，呢度要補漏，嗰度要裝修，實要執好多嘢』，依家就明白，人生冇健康，點生存？於是近年會定期做醫療檢查，畢竟人梗係想長命，但長命得來要健康先有用！」而她起心肝關注長遠健康，全因為4年前一次懷疑腸癌的經歷：「當時因血色素低做檢查，之後照埋腸胃，令我最唔開心係懷疑腸有cancer，醫生當時話條腸有好多肉粒，仲有個幾厘米大住宿咗喺腸5至6年，一定要手術切除，當時醫生仲發現膽都塞晒，慶幸膽石冇黐到個肝，所以一晚就切除埋膽、割埋五分一腸。」她不諱言經常向演藝界老友及身邊的朋友推廣，有病要找醫生，醫生便會對症下藥，絕對不要拖延。

她又分享獨門飲食貼士：不吃辣、不吃煎炸及貝殼類食物，做演員時會經常袋住餅乾，讓自己不會有肚餓的時候，保養胃部，而近十多年更養成良好的早餐習慣，她表示：「醫生話早餐好重要，初初我亂食早餐，飲杯咖啡加兩塊餅，但原來咖啡對我唔太適合，發覺自己有痔瘡，會有啲唔舒服，於是轉飲奶茶，但原來我又唔啱淡奶，於是再轉，依家每朝食一隻烚蛋，增加蛋白質，而每日只會食一餐澱粉質。」

活力充沛的她更即席表演拉筋，柔軟度儼如後生女，有十多年瑜伽㡳子的她稱：「我近20年每朝都會拉筋10分鐘，亦會丹田練氣，並每日步行幾千步，我好鍾意出街，因為唔行多啲，對腳會冇力。」

當時佢腸內好多肉粒，膽都塞晒。

依家冇晒事，Keep住做body check！

另外，日前金牌監製戚其義、藝人黃德斌、簡慕華等為馮素波慶祝生日，眾人去到打邊爐有講有笑，馮素波精力充沛、笑容滿面，精神狀態100分！

馮素波近日生日，獲金牌監製戚其義、藝人黃德斌、簡慕華等開P。

馮素波非常精靈。

健康先可以同咁多Friend慶祝。

大家都要身體健康。