电影《临时劫案》马上要上映

最近一班主创就就齐齐出动

为电影预热造势

三位“悍匪”郭富城、

林家栋、任贤齐

加上张可颐&Mike曾比特

喺电影会现场为大家解答

电影中最精彩嘅moment

Mike首次放下歌手身份

化身“小混混”大头

曾被“质疑”佢係“本色演出”

而佢就话自己个性乖巧

并唔係贼仔性格啰

引大家笑成一片

而首次变身电影咖

Mike话发现原来扮“尸体”好难

仲要喺自己“si”咗之后

等人帮自己合上双眼嗰下最难

Mike话好多谢导演

俾咗呢个演出机会佢

小齐哥就喺隔篱搞笑回应话：

“选你是因为你便宜……”

又一次挞着咗大家嘅笑点

讲笑还讲笑啦

“爆炸头”喺电影中嘅表现如何

大家记得到时去电影院品鉴下啦

其实曾比特喺上个周末

啱啱结束自己10站嘅内地巡演

收官站回到佢嘅巡演

最初开始嘅地方-广州

寓意画上完美嘅句点

由Color参与主办嘅

曾比特“穿梭”巡回音乐会

收官站舞台喺中山纪念堂举行

现场座无虚席、精彩不断

Mike特别将自己最新嘅作品《魔毡》

留到收官舞台上再唱

係为咗话俾歌迷知

“直到遇到你，这样完美”

再唱《让我留在你身边》

係佢对“穿梭”嘅不舍

更是佢对台下歌迷的爱与包容

喺收官的舞台上

Mike特别唱咗好多首

佢曾经喺《声生不息·港乐季》上

演绎过嘅经典翻唱

因为佢觉得係因为呢个节目

大家先认识呢个

中意唱歌的“爆炸头”

曾比特今次巡演收官啦

但佢前进嘅脚步唔会停低

就如佢新歌嘅歌词唱到

“答应过你，冒险都要飞”

喺更多舞台同大家见面

学更多技能充实自己

出更多好作品回馈大家

佢係俾大家嘅承诺

咁我哋就拭目以待啦

特别要讲下嘅係

曾比特“穿梭”巡回音乐会-收官站

有Oscar涂毓麟、贺三

两位以嘉宾身份出现

佢哋嘅新作品都在路上啦

全部非常值得期待噶

来源：可乐生活Color微信公众号

编辑：张子殷

审核：曾敏妍

签发：骆苹