最近容祖儿推出新歌《九秒九》

呢首歌原来係延续

《紧急联络人》嘅故事

从女仔嘅角度

讲述前度与自己嘅牵绊

有意思嘅係

呢首作品嘅MV

用一镜到底拍摄完成

片中Joey接到陌生电话后

以九秒九嘅速度

换衫、执行李、出门赶飞机

期间有奔溃、跌倒、

手忙脚乱等情节

全曲歌词只字冇提“九秒九”

佢用动作&微表情诠释

焦急、快速与紧张感

Joey声线嘅穿透露

加上MV嘅完美呈现

令到《九秒九》成功抓住歌迷嘅心

就连佢嘅同门师弟洪卓立

都被呢首歌深深感动

▓▓▓▓▓▓▓▓▓▓▓░░░░努力加载中……

话说Joey嘅新歌上线冇耐

阿Ken洪卓立就忍唔住

拍片翻唱呢首作品

but视频中可见

阿Ken面容浮肿下垂

眼红红兼目光涣散

脱发蓬乱、胡须满面

似乎一副沮丧颓废嘅状态

加上佢演唱过程眼泛泪光

声音带哭腔颤音

似乎情绪十分投入

完全陷入歌曲带出嘅情绪

连原唱容祖儿睇片之后

都留言话自己听到眼湿湿

听出阿Ken声音带有伤感

阿Ken亦毫不忌讳

直接讲自己一听到呢首歌

就已经爆喊

网友见到咁嘅洪卓立

即刻就联想到

佢早前因为与前女友分手

曾经陷入自暴自弃嘅状态

嗰段时间佢几乎冇公开活动

偶尔发布动态亦只有

唔太睇到出主题嘅黑白照片

现身见人嘅时候

亦冇太多打扮

身材更係暴胀

佢自称係因为身体唔好

加上需要增重练肌肉

先会搞成自己咁样

更一而再、再而三咁否认

自己受到情伤

当初佢官宣恋情之后

爱得高调又轰轰烈烈

到分手时

平淡却突如其来

话唔伤心又真係几难令人相信

而阿Ken听歌都听到爆喊

睇怕都未完全放低上一段感情

换个角度谂

亦证明佢用情专一

后来嘅日子

佢积极做运动

出嚟见歌迷、做活动

努力咁俾大家见到佢

积极生活嘅样子

喺啱啱过去嘅五一假期

阿Ken仲喺顺德

举行咗自己嘅个人音乐会添

大家都肉眼可见

佢啲状态慢慢翻咗嚟

都戥佢觉得好开心

依家歌迷粉丝都好撑佢

相信阿Ken好快恢复到

最fit状态

//////////

容祖儿新歌听到人流眼泪

洪卓立翻唱唱到人眼湿湿

证明首歌真係好jeng

大家记得去听下啦~

来源：可乐生活Color微信公众号

编辑：张子殷

审核：曾敏妍

签发：骆苹