讲到近排最hit嘅电影

当属“五一”上映嘅

《九龙城寨之围城》

据灯塔专业版嘅数据

影片《九龙城寨之围城》

连续3天票房逆跌

票房有望突破3亿元

拳拳到肉嘅打斗戏

各种刺激、高难度动作

令观众睇到心都紧一紧

最多嘅评论就係：

经典港式武打片返嚟啦~

林峯、刘俊谦、

胡子彤、张文杰

化身“城寨四少”为正义而战

戏内嘅“四少”

有型有格、兄弟情深

不约而同喺街巷相遇

戴住面具暴打“废男”

为无辜女子攞翻公道

痛打大奸角王九时

就算损手烂脚都搏尽全力

随着《风的形状》响起

带住观众从暴风雨中

回归城寨的平淡日子

饰演大奸角嘅伍允龙

喺大老板洪金宝嘅头马

一心只想取代佢成为城寨霸主

佢仲要练埋硬气功

拥有无敌金刚身

刀枪不入几乎癫狂喔

剧中佢打得出神入化

现实中功夫底厚

相当打得嘎

因为佢自细就热爱武术

7岁跟住爸爸习武

师从黄淳梁、学习咏春

得到香港咏春体育会认可

年纪轻轻就已经担任武术指导

成为动作演员嘅佢

参演过《铁拳英雄》

《 恶战》等剧集

有演技又可以亲身上阵打

观众自然睇得好过瘾

近日佢跟住剧组谢票

同观众互动嘅时候

毫无准备之下遭观众“袭击”

当日佢揾现场观众互动

示范“寸劲”武功招式

出招时男子被震到退后

点知对方似乎不甘心

回头握伍允龙嘅手

趁佢挂住讲嘢唔为意时

突然出尽全力用膊头肘击

令伍允龙一时失去重心

成个人跌咗落地

此举动令全场观众哗然

当场怒斥男子冇品

兼担心伍允龙是否受伤

好彩大家都冇受伤

只係受了一场惊吓

为咗安全起见

剧组之后都取消咗互动环节

事后伍允龙都发咗视频

第一时间感谢大家关心

仲帮对方解释：

“（佢）只係睇得太入戏，

把自己当成王九。”

高情商嘅回应

获一众网友赞佢有风度

Anyway~

睇戏还睇戏

希望观众同演员互动

都要注意分寸、保持理智

唔好太过入戏啦

来源：可乐生活Color微信公众号

编辑：张子殷

审核：曾敏妍

签发：骆苹