TVB新剧《武林》寻日试造型

睇剧名以为係一部古装功夫片

但见一班演员现身

先知原来係现代剧嚟嘅

话说呢部剧

係就讲现代都市各行各业里面

隐藏嘅武林高手

有美容师、的士佬、交通疏导员等

各位都有自己擅长嘅技能

甚至有人精通十八般武艺

睇嚟剧情都係会讲

佢哋用呢啲技能

打救苦主或者寻宝之类

讲讲下个剧情

大家就越发觉得似曾相识

再认真谂谂

就同之前五毫子特效嘅

《新四十二章》已经好相似

再睇睇个艺人阵容

有游嘉欣&周嘉洛

加上邝洁楹、郑子成、蒋祖曼

妥妥又係《罗密欧与祝英台》嘅

（除大主角外）原班人马了

大家都喺凌乱之际

发现原来今次《武林》嘅监制

咁啱就係以上两部作品嘅监制

陈维冠老师

可能监制自己都feel到

连续几部戏嘅剧情&阵容

都好相似

所以今次特别安排咗

大家喺造型上都有啲改变

周嘉洛早前被人批评话

部部剧、个个角色都係“金城安”

所以今次特别裁咗个“板栗头”

俾人感觉佢智商麻麻哋

‍‍‍

游嘉欣就剪去一头长发

留咗个几显老嘅发型

据说佢唔舍得啲长发

喐手嘅时候几乎喊出嚟

邝洁楹今次唔係爆炸头

又唔係傲娇小公主

身穿红绿配嘅夸张造型

好难估到佢今次角色的定位

喺一众演员之中

最受大家关注嘅当然就係两位

领衔主演嘅大主角

高海宁&黄智贤啦

早前高ling就有透露过

自己将会参演一部功夫片

原来喺呢部《武林》入面

佢就係嗰个武功高强嘅美容师

难怪佢嘅造型咁索仲咁神秘

据闻高ling为咗呢个角色

特别花时间去练一字马

但因为自己中意吃饺子蘸醋

戒唔到醋、目前筋骨未够松

而男主黄智贤从造型上睇就比较普通

但佢就透露自己喺剧中会“裸奔”

突破之大令佢有心理压力

自己为咗呢场戏

都喺度努力keep紧身材

两人喺剧中就互为前度

分手CP就最兴搞啲

藕断丝连、余情未了嘅戏码噶啦

所以应该都几有火花

由于两人实际年龄几乎差成廿岁

高ling保养得宜又圆面显嫩

黄智贤今次嘅look会两鬓花白

望落有“父女恋”嘅即视感啦

虽然有“最佳女配角”做保证

但唔少网友依然对陈监制嘅作品存疑

因为《新四十二章》&《罗密欧》

被好多人吐槽不知所谓

唔知大家会唔会期待

“最佳女配角”得奖后

首部担正嘅现代功夫片咧

来源：可乐生活Color微信公众号

编辑：张子殷

审核：曾敏妍

签发：骆苹