寻日大年初九开工日

香港马会都开跑了啵

曾生&乐小姐就带住

最得意嘅门生去现场助阵啦

应届嘅港姐代表

穿上五颜六色好鲜艳嘅裙裙

够晒抢眼吸睛

冠军庄子璇

身穿大红色连衣长裙

气色唔错、颜值回归

在人群中特别抢眼

刘佩玥、刘颖镟冇约过

但劲有默契

一起穿上绿色系靓裙

尽显优雅女人味

陈贝儿更搭埋贵妇礼帽

衬晒贵气十足嘅现场

成为全场的焦点

“新闻女王”高海宁本来就人气爆炸

一条贴身蓝色长裙

将佢玲珑有致的身材展露无遗

又抢咗一轮镜头

仲有谭俊彦、陈展鹏、

罗子溢等等TVB爱将

都西装骨骨齐齐到现场

大家都好有心机咁盛装出席

“话题女王”蔡小姐就梗係唔执输

穿上黑底刺绣旗袍

寓意“旗开得胜”哦

原本穿旗袍都几威水嘅

但唔知点解蔡小姐穿起来

条腰显得特别粗

令佢原本纤瘦嘅细小骨架

都变得粗壮起来

企喺身材索爆嘅高ling旁边

蔡小姐成个老茶楼咨客咁

唔知係咪条旗袍唔多合身

窄到佢嘅企姿都唔多自然

体态都输晒俾其他人啰

话说早前乐小姐

开社交平台新账号时

大批网友留言杯葛蔡小姐

令佢嘅士气大受影响

今年蔡小姐嘅首部作品

《飞常日志》出街

就被批评剧情烂、似宣传片

最后收视不似预期

口碑都唔多靓仔

网友发现

佢嘅影视作品存货所剩无几

而新年新开嘅几部剧

又冇安排佢嘅戏份

睇嚟蔡小姐新正头运势麻麻哦

佢其中一个“绯闻男友”、

同我哋好fried嘅鸿钧仔

又喺一开春就濑咗嘢

原来係佢帮朋友带烟出境

结果被海关查截惹上麻烦

更被传可能要受罚坐监

八卦媒体专登问起蔡小姐呢坛嘢

佢自曝自己曾经都

拜托胡生帮手带货

咁就可以悭下一笔邮费

不过遇到今次嘅麻烦后

自己以后都会谨慎翻啲

费事麻烦到人又麻烦自己

有网友就趁机喊话

邮费确实唔应该悭嘅

但佢啲镜头可以悭一悭

唔希望喺太多剧集见到佢啰

其实

如果蔡小姐演技再提升下

待人接物都收敛啲

会唔会运气会好翻啲咧

来源：可乐生活Color微信公众号

编辑：张子殷

审核：曾敏妍

签发：骆苹