呢个星期一

“前花旦”陈法拉

同“新小花”陈嘉慧

齐齐宣布成功“卸货”

大家纷纷送出祝福

其中

陈法拉係二胎诞下仔仔

成为“TVB五小花”中

第四位二胎妈咪

网友纷纷感慨过得好快

同上次怀孕一样

呢次“保密工作”非常到位

在毫无“预警”之下

就官宣多了个仔仔

令大家都觉得惊喜好突然

不过呢

大家见到呢个好消息

大家都好戥佢开心

法拉仲晒咗大女“小米妮”

急急脚来揾弟弟嘅萌态

一家四口真嘅好幸福

//////

自从脱离豪门后

陈法拉真嘅越过越精彩

家有型男老公、儿女双全

事业上亦喺荷里活闯出名堂

本月底

佢参演嘅“怪兽大片”

《哥斯拉大战金刚2》

将会喺电影院同大家见面

喺三分钟嘅预告片中

陈法拉虽然只得一个特写

但要喺以“巨兽”为主角嘅

片中攞到特写

佢嘅角色应该都几重要嘅

从预告嘅画面见到

陈法拉成个“神婆”咁样

扮相充满神秘感

唔知大家期唔期待呢？

除此之外

陈法拉仲会同张家辉

合作悬疑电影《赎梦》

饰演一对“精神病夫妇”

电影首支预告片和海报

早前已经发布

画面充满阴森怪异嘅感觉

特别係其中嘅“阴间比心”照

难怪之前电影煞科时

陈法拉话拍完片觉得係解脱

//////

同一天生B嘅

“小花”陈嘉慧亦喜讯连连

从结婚到生B一chur到底

快到大家都措手不及

上年9月先宣布拉埋天窗

并低调举行豪华婚礼

11月就宣布已经怀孕

到依家BB已经出世

一年搞掂两件人生大喜事

结婚生B嘅过程

好似揿咗加速掣一样

因为呢个过程

啱好喺佢参演嘅两部热播剧

《你好，我的大夫》

同《本尊就位》之间

凭借呢两部剧中古灵精怪嘅表现

陈嘉慧吸引咗唔少粉丝

特别係《本尊就位》嘅收视

仲超过“视帝”坐阵嘅《状王之王》

其中佢嘅古装扮相

受到观众、网友大赞

但在此时

为爱“遁入”豪门嘅

陈嘉慧就冇咗踪迹

连主演嘅《本尊就位》

都冇点现身宣传

让支持佢嘅粉丝觉得好奇怪

well

同一段时间里面

嘉慧婚又结咗、仔又生咗

仲受到公司力捧

拍嘅电视剧角色又入屋

可以话係家庭事业两得意了

就係唔知几时先可以

喺新剧入面见到佢啦～

来源：可乐生活Color微信公众号

编辑：张子殷

审核：曾敏妍

签发：骆苹