陈家乐自从拉埋天窗
事业运真嘅好旺
呢排啱宣布老婆有喜
就又有新片《出租家人》
要喺香港上映啦
家乐早前喺《金手指》中
饰演有钱太子爷
油头粉面嘅造型
都俾粉丝唔少惊喜嘎
片中仲同自己嘅偶像
梁朝伟、刘德华合作
俾赞神似刘德华
同梁朝伟有超多对手戏
陈家乐归演技都hold得住
令观众睇到好过瘾
喺《金手指》中
陈家乐大玩纯爱桥段
上演霸道总裁爱上小明星
亦让佢成功狂圈粉
//////
转身来到新电影
陈家乐化身出租公司老板
生长于破碎嘅家庭嘅佢
向顾客出租嘅係"家人"
从预告来睇
片中角色最终会假戏真做
同顾客产生感情
成为咗真“家人”
感情戏越演越好
喺接受媒体采访嘅时候
陈家乐特别提起
同曾志伟嘅合作
大赞对方演技好到惊人
最令家乐佩服嘅係
曾志伟喺埋位之前
仲瞓到鼻鼾大大声
但一到对佢嗰part戏嘅时候
佢可以即刻起身接台词嘅
//////
作为新戏嘅监制
曾志伟接受采访嘅时候
一直笑笑口
睇落今次拍戏拍得好开心
喺新戏中
佢终于追到“白月光”恬妞
最后仲成为夫妻
两人之前嘅合作
几乎所有剧情都係
佢都追唔到恬妞嘅
呢次有机会做夫妻
两人都几有缘分
两个戏骨+配合默契
好快就入戏、效果亦唔错
呢次自己做监制
曾志伟就带住成班伙计
翻TVB《奖门人》做宣传
同热播剧《婚后事》嘅班底
“撞”埋一齐玩游戏
玩啜乒乓球嘅时候
陈家乐意外对上Yoyo陈自瑶
众所周知
Yoyo係佢老婆连诗雅嘅好姊妹
早前诗雅先po出合照
帮Yoyo新剧谷收视
面对咁尴尬嘅情景
Yoyo都兜得好快
开玩笑咁话:
“借Shiga(连诗雅)老公一用”
都算係对好姊妹嘅即场报备啦
不过呢part游戏环节
最搞笑嘅应该係
陈家乐同罗子溢
两人为咗啜到个乒乓球
一上场就发起猛烈嘅攻势
单睇呢个狂啜嘅镜头
更加容易令人误会咯~
(Yoyo同其他人睇戏几认真)
陈家乐今次上《奖门人》
特登着得斯斯文文
原本希望玩啲斯文嘅游戏
点知《奖门人》可能专登玩嘢
反而安排咗好多体力game俾佢
除咗啜波波
仲要同新戏中嘅女搭档周家怡
大玩“人肉呼拉圈”
不过周家怡就话
陈家乐係“好腰好肾好男人”
呢种游戏就难唔到佢
//////
But一讲到真·老婆仔
呢位“爱家号”嘅好男人
竟然公开”吐槽“老婆
原来佢係投诉连诗雅
陀住5个月大肚
仍然着高跟鞋上台
而令佢最头痛嘅係
诗雅为咗keep住靓靓样
就算孕期都食得好少
家乐只能成日叫老婆仔食嘢
仲向大家派任务
一齐叫诗雅要食多啲嘢
连佢都觉得自己好烦
好似变咗只“乌蝇”
原来兜咗个圈
三句不离锡老婆
各种“抱怨”其实都係放闪
真係镜头内外全都是sweet戏~
来源:可乐生活Color微信公众号
编辑:张子殷
审核:曾敏妍
签发:骆苹