前段时间

网传霆锋嘅大公子

Lucas谢振轩

同自己嘅滑雪教练挞着

玩起咗“师徒恋”哦

张柏芝虽然唔反对仔仔拍拖

但因为两人年龄差距实在大

激到顶唔顺、入埋医院添

早前就有人数过

柏芝已经“消失”咗近3个月啦

最近只出席过一次商演

最近有港媒出嚟帮佢哋澄清

话Lucas都未成年点会拍拖

而且柏芝亦冇住院

全部都係谣言啰

▓▓▓▓▓▓▓▓▓▓▓░░░░努力加载中……

呢件事扰扰攘攘咗几日

柏芝嘅前夫、Lucas嘅爹地

真係完全冇关心佢哋啦

原来霆锋自己都一身蚁

唔得闲理呢啲

子虚乌有嘅杂事

金牌导演刘伟强

本来就谂住约埋霆锋

强强联手咁

打造一部全新嘅电影

大家都知刘伟强曾经打造

《无间道》《中国机长》等

脍炙人口嘅经典大片

霆锋自己亦有

《怒火·重案》呢种

惊艳大家嘅佳作

两人合拍一定实食冇黐牙嘅

但如今港产片市场

有啲阻滞

之前阵容好把炮嘅《爆裂点》

票房都不如预期

令到投资者都在观望

碍于资金问题

唔少影视作品都搁浅咗

最近沸沸扬扬嘅《反黑2》

传闻都已经係停工状态

仲有已经压箱底多年嘅

《风林火山》

《寻秦记》等作品

拍摄期间都耗资巨大

后期制作依需资金

至今似乎未有下文

资金唔到位

刘伟强&谢霆锋

再有宏才伟略

都係举步维艰

两人亦唔敢贸然行动

防止“揽住一起死”

//////////

据闻霆锋自导自演嘅

《怒火漫延》

请到刘德华坐镇

认真把炮

呢部电影按原来计划

农历新年之前就杀青

但就拖到上个月先完成

超时就意味着超支

相信霆锋对此都好头痕

大家都知道

霆锋除咗係导演、係演员

仲係一个厨师啦

之前佢为宣传自己个品牌

去咗煮菜俾一个网红食

结果得到“很一般”嘅评价

霆锋唔单止冇嬲

仲谦虚咁话

呢个新品仲喺测试中

所以未有太大亮点哦

睇得多短视频嘅朋友

都应该feel到

呢个视频係做效果嘅

弹个菜品一般

可能係为其他产品做铺垫

除咗拍电影

仲要落力sale自己个品牌

配合营销做效果、拍视频

一堆业务够佢忙到甩辘啦~

来源：可乐生活Color微信公众号

编辑：张子殷

审核：曾敏妍

签发：骆苹