“港姐亚军”王卓淇Erin

离巢后就经常喺社交平台

分享自己吃喝玩乐同工作日常

近日，佢自爆拍剧片酬

引起广大吃瓜网友嘅讨论

近年嚟短剧市场劲火爆

吸引咗唔少艺人参与

王卓淇近排受邀客串

旧同事何君成投资嘅短剧

两人早前喺TVB就有合作

喺《我瞒结婚了》中

搭档演过一pair

//////

初尝短剧拍摄嘅Erin

好似几激动下

嗱嗱临同网友分享

对比短剧同TVB正剧收入

仲爆出多条短剧市场内幕

首先

佢就透露拍摄短剧片酬

直言大部分短剧成本

一般只有几百蚊一集

但喺TVB时可以攞到

一千到几千蚊一集

顺便帮老东家TVB平反

极力否认TVB片酬

不如内地嘅传闻

但后面佢又讲到

短剧会6日拍90集

而TVB正剧至少3个月先拍完

一套剧集嘅集数又冇咁多

网友就认为两样嘢可比性不大

虽然人工冇TVB多

但Erin就觉得

拍短剧轻松又好玩

如果对白出错

仲可以靠后期剪辑

而且短剧嘅拍摄时间短

一次过可以拍好多套

所以之后佢都想多尝试

//////

王卓淇喺2014年

以“港姐亚军”出道

虽然从蔡思贝手上接过后冠

但就好似冇接到佢嘅人气

出道后一直冇受力捧

之前有参演过几部剧

比如《十二传说》《逆天奇案》等

大部分都只係演配角

所以3年前佢就选择“离巢”

去更大嘅世界睇睇

最终就翻内地发展

离巢后嘅一段时间

Erin就喺社交平台

大呻因为冇钱而离巢

更透露自己入职咁多年

人工从7千到一万几

难以维持佢嘅“港漂”生活

但对于呢种行为

当时就有网友质疑佢

靠爆前东家大镬吸引粉丝

不过Erin就解释自己

只係有问必答

并冇抹黑TVB嘅意思

仲即时话TVB就好似学校咁

好庆幸自己可以加入TVB

虽然经历过迷茫

但仍然好珍惜在TVB嘅时光

近日佢就发视频

表示自己要跳出舒适圈

揸紧机会、重新开始

唔知佢之后仲

有冇机会返TVB合作呢？

来源：可乐生活Color微信公众号

编辑：张子殷

审核：曾敏妍

签发：骆苹